Taal an Taofel bij Zwaneveld in Nörg
NORG - Op zundag 15 meert hew alweer de lèeste Taal an Taofel van seizoen 2025-2026 bij café Zwaneveld in Nörg. Dizze maol kan het publiek luustern naor poëzie van Ger Veenstra en verhaolen van Peter van der Velde, vertèeld deur zien zeun Willem. De meziek wordt verzörgd deur Jetta Post.
Ger Veenstra is geboren in 1946 in Assen. Zien pap en mam spraken thoes altied Frees met mekaor en Nederlaands tegen heur kinder. Maor zij vunden dat, omdat ze in Drenthe woonden, de kinder ok Drèents mussen leren, dus lazen ze Drèentse verhaolen en gedichten veur. Ger is in ’t Drèents begund te schrieven in 2004, toen hum vraogd wör veur Hemmeltied een gedicht over Börger te schrieven. Dizze Taal an Taofel zal e oons zien poëzie laoten heuren.
Willem van der Velde, de zeun van Peter van der Velde, komp verhaolen van zien pap vertellen. Peter wör beneumd tot hoofdmeester an de legere school in Rowol. Binnen de aole gemeente Roden har e veul bestuurlijke functies, maar daornaost was der ok veul tied veur het schrieven in het Drèents en veur optredens met Het Bonte Bitse Cabaret en laoter met De Bekketrekker. Hij waarkte met an de officiele Neie Drèentse Spelling, was lid van de Drèentse Schrieverskring, het Drèents Genootschap en de Culturele Raod van Drenthe. Körtom, heul belangriek veur het Drèents in ’t algemeen.
Jetta Post is presentator/dagveurzitter én streektaolzangeres. Ze woont in Waarfhoezen, is gek op de Grunneger toal maor prat as ’t neudig is ok Nederlaands. Jetta’s repertoire besteit oet sfeervolle luusterleedties en vrolijke songs over ‘t leven, de leefde en alles daor tussenin.
Taal an Taofel begunt um 11.00 uur en stopt um 14.00 uur. De entree is € 25,00 (GÉÉN PIN!) en daor kriej dan een gezellige mörgen én een kop koffie/thee en eterij veur. Aj derbij wilt wezen, kuj tot dinsdag 10 meert risserveren bij Henny Bouwman: Mail: henderkien.jantien@gmail.com, Tillefoon: 06 29 11 36 53 (as ze an ’t waark is, pakt ze niet op, maor woj weerombèeld!). Wees der op tied bij, want vol = vol!
