Tweide Streektaoltocht holden in Lievern
LIEVEREN - De tweide Streektaoltocht wör dit jaor in Lievern holden. Der was een prachtige wandelroute oetzet deur de vraaiwilligers oet Noordenveld van het Huus van de Taol. Het weer waarkte prima met want de temperatuur was goud en de zun scheen der lustig op lös. Aale ingredi?nten veur een succesvolle tocht waren dus aanwezig. Maor toch luit het publiek het een beettie aofweiten. De naom Streektaoltocht is nog niet volledig inbörgerd hier. En dat is jammer want wandeln in en om Lievern is prachtig. Der liggen mooie zandpaoden rond het dörp en daorom was de tocht ok biezunder geschikt veur kinder want der wör niet over de deurgaonde wegen wandeld. Tiedens de wandeling kwamen de deilnemers bordties tegen met een Drèents woord er op. Hier mussen ze de Nederlandse beteikenis van opschrieven. En sommige woorden waren niet bai iederein bekend. Diegene die metdeden an de tocht kregen graotis wat te drinken en as ze weer terug waren bai het Hart van Lieveren dan kregen ze een mooi pakkettie met waor een pen en Drèentse boukies in zaten.
Het is de bedoeling om de Streektaoltocht volgend jaor in Paais te holden. Wij hopen dat de naom Streektaoltocht dan genog bekend is en dat der dan veul meer mensken an met doun.
